KIA MAHURU AI TE TAU - KIA ĀHURU AI TŌNA AO

HE MIHI

Tuku-ā-nuku, tuku-ā-rangi, tuku i te mauri ō Maia Poroaki.

Tuku i te kawa o te waka ō Horouta ki te ngutu awa ō Tūranga.

Tūranga tangata rite, Tūranga rau tangata ki te take ō te maunga Titirangi ki te māhau o te whare ō Rāwiri ka tau nei.

Wānanga i roto, wānanga i waho, e puta ai te māramatanga.

Kia ū ki te reo me ōna tikanga!

Kia tau ai te wairua!

Kia tūturu ki ngā taonga tuku iho!

Kia ū! Kia tau! Kia Tūturu!

TE KAUPAPA O HOROUTA WĀNANGA

Ko Te Tairāwhiti te rohe o te waka o Horouta. E taea hoki te here haere i tōna ūnga mai ki ētahi atu iwi o te motu me te whānau o Te Moana nui a Kiwa. He kura e hoe nei i te wānanga o tawhito ki te ao o tuakiri nei. Ko te tamaiti tonu te ao o tōna whare kōrero e whai ai i ngā tikanga o te marae.

Koia nei te Aronga o te kura ...

Kia Mārae te hanga

Kia Māori te whakaaro

Kia Tangata Whenua ai te reo Māori

Tēnei a Horouta Wānanga ka ū, ka tau, ka tūturu!